Auf und davon

Nächstes LiedÜbersichtVorheriges Lied

I halt die Leut net aus
die nur die Pappn offn habn
und umanandfeun
Und wenns dann haglich wird
auf amoe ruhig san
und si stü und hamlich oseun
Die nur haße Luft dazön
und sagn dass unwahrscheinlich
engagiert san
Doch dabei nur an si söba
und sonst an nix andern
intressiert san

I halt die Leut net aus
die wia de Wanzn di sekkiern
und mit dir mitlebn
und wenns da amoe dreckig geht
die Freund san
die dan allerersten Tritt gebn
Die so falsch san
dass vor lauter Freundlichkeit
im Gsicht scho fast an Krampf ham
Und die da nur dann
die Wahrheit einedruckn können
wenns an Dampf ham

Auf und davo
Und versteck di irgendwo
Wo di kana findn kau
Doch es föd da die Kraft
Drum bist immer no do

I halt die Leut net aus
für die des wichtigste im Lebn
da Intellekt is
Die eiskalt oes zertretn
weu des Gfüh in eana
jämmerlich verreckt is
Die si für unfehlbar haltn
Und so stark werdn
wenn ma sie net wehrn kau
Denen ma am liabstn
in de Pappn steigert
weu ma´s nimmer hean kau

Auf und davo
Und versteck di irgendwo
Wo di kana findn kau
Doch es föd da die Kraft
Drum bist immer no do